Daşkənddə Avrasiya Kardioloqlar Assosiasiyasının VII konqresində Azərbaycan həkimləri də iştirak edib
Daşkənd, 19 may, АZƏRTAC
Daşkənddə Avrasiya Kardioloqlar Assosiasiyasının VII konqresi keçirilib.
AZƏRTAC xəbər verir ki, tədbirdə Almaniya, Azərbaycan, Yaponiya, Çin, Hindistan, Türkiyə, Rusiya, Macarıstan, Belarus, Qazaxıstan, Qırğızıstan, Tacikistan, Türkmənistan və digər ölkələrin kardioloqları iştirak edib.
Konqresdə bildirilib ki, hazırkı qloballaşma dövründə psixi gərginlik, az hərəkət etmə-qipodinamiya, yağlı yeməklərdən və yüksək xolesterin tərkibli ərzaqlardan istifadə xüsusilə inkişaf etmiş ölkələrdə ürək-damar xəstəliklərinən yaranmasına səbəb olur. Bu da öz növbəsində, əlillik və ölüm hallarının artmasına gətirib çıxarır.
Tədbirdə bu problemin qarşısının alınması və müalicəsinin yolları haqqında alim-kardioloqların genişmiqyaslı elmi tədqiqatları müzakirə edilib.
Konqresdə ürək-damar xəstəliklərinin vaxtında üzə çıxarılmamsının müasir metodları, kardiologiyada və kardiocərrahiyyədə istifadə olunan yeni texnologiyalar, ürək-damar xəstəliklərinin cərrahi yolla müalicəsində yeniliklər, innovasiya texnologiyaları haqqında da məruzələr dinlənilib.
Tədbir çərçivəsində kardioloqlar Səmərqənd, Xarəzm və Namanqan vilayətlərinin xəstəxanalarında ustad dərsləri də keçirlər.
Qulu Kəngərli
AZƏRTAC-ın xüsusi müxbiri
Daşkənd
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar