Gənclərdən ibarət qrup hərəkətləri komandamız Avropa çempionatında 5 lentlə çıxışını uğurla başa vurub
Bakı, 18 may, AZƏRTAC
Azərbaycanın gənclərdən ibarət qrup hərəkətləri komandası Bakıda keçirilən 35-ci Avropa çempionatında 5 lentlə çıxışını uğurla başa vurub.
AZƏRTAC xəbər verir ki, çempionatda 5-ci nömrə altında çıxış edən Azərbaycan millisinin çıxışı azarkeşlər tərəfindən böyük coşğu ilə qarşılanıb.
Komandamızın heyətində Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadə yer alıblar.
İyirmi komanda finala vəsiqə qazanmaq üçün mübarizə aparır. Beş halqa üzrə yarışın finalı mayın 19-da təşkil olunacaq.
Mayın 19-da yekun vurulacaq çempionatın fərdi proqramında böyük gimnastlar, qrup hərəkətləri proqramında isə gənclərdən ibarət komandalar çıxış edirlər. Çempionata 35 ölkədən gimnastlar qatılıblar.
Xatırladaq ki, Bakı 2007-ci, 2009-cu və 2014-cü illərdə də bədii gimnastika üzrə Avropa çempionatına ev sahibliyi edib.
Argentina millisinin futbolçusunu hədələyən cinayətkarlar saxlanılıb
Azərbaycan Premyer Liqasında daha 2 turun cədvəli məlum olub
Azərbaycan Kubokunda yarımfinal mərhələsinin cavab oyunlarının proqramı açıqlanıb
Baş katib: Azərbaycan basketbolunda yeni tarix yazmaq istəyirik
Olimpiya idman növləri üzrə federasiyalar üçün seminar keçirilib