Azərbaycan rəssamlarının əsərləri Tbilisidə keçirilən sərgidə nümayiş etdirilir
Tbilisi, 17 may, AZƏRTAC
Mayın 17-də Gürcüstan paytaxtında Tbilisi incəsənət sərgisi (Tbilisi Art Fair) açılıb.
Sərgidə Azərbaycan rəssamlıq məktəbinin görkəmli nümayəndələri - Azərbaycan SSRİ-nin Xalq rəssamları Xalidə Səfərova, Maral Rəhmanzadə və Böyükağa Mirzəzadənin 15-ə yaxın əsəri nümayiş etdirilir.
Azərbaycan rəssamlarının əl işləri maraqla qarşılanıb.
“Qız qalası” rəsm qalereyasının direktoru Fuad Hüseynov AZƏRTAC-a müsahibəsində deyib: “Biz ilk dəfədir ki, Tbilisidə keçirilən sərgidə iştirak edirik. Bu gün sərgini ziyarət edənlərin Azərbaycan rəssamlarının əsərlərinə böyük marağı var və bu, bizi çox sevindirir. Biz gələcəkdə təşkil olunacaq bu cür sərgilərdə daha çox rəssamımızın əsərlərini təqdim edəcəyik”.
Məlumat üçün qeyd edək ki, sərgidə müxtəlif ölkələrdən 33 qalereya və 38 rəssam iştirak edir. İştirakçı ölkələr arasında Azərbaycanla yanaşı, Gürcüstan, Fransa, İtaliya, Bolqarıstan, Serbiya, İsveçrə, Avstriya, Çin, ABŞ, Kuba, Belçika, Almaniya, İspaniya, Portuqaliya və Litva da var.
Sərgi mayın 19-dək davam edəcək.
Tədbir Gürcüstan hökuməti və Tbilisi meriyasının dəstəyi ilə keçirilir.
Xətayi Əzizov
AZƏRTAC-ın xüsusi müxbiri
Tbilisi
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir