Bakıda IV “İKT innovasiyaları və startap ekosistemləri” istiqaməti üzrə seminar keçiriləcək
Bakı, 14 may, Pərvanə Rəhimova, AZƏRTAC
Mayın 29-dan 30-dək Bakıda “Şərq Tərəfdaşlığı” ölkələrinin “Rəqəmli bazarların uyğunlaşdırılması” (HDM) təşəbbüsü çərçivəsində IV “İKT innovasiyaları və startap ekosistemləri” (“ICT innovation and startup ecosystems”) istiqaməti üzrə seminar təşkil olunacaq.
AZƏRTAC xəbər verir ki, bu barədə mayın 14-də keçirilən mətbuat konfransında Nəqliyyat, Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondunun icraçı direktorunun vəzifələrini icra edən Azər Bayramov deyib.
Seminarda Avropa Komissiyası, Azərbaycan, Gürcüstan, Moldova, Ukrayna, Belarusun nümayəndələri və ekspertlər iştirak edəcək. Tədbirdə iştirakçı ölkələrdə innovasiya və startap ekosistemlərinin formalaşdırılması istiqamətində görülmüş işlər müzakirə olunacaq, ekspertlər tərəfindən Avropada həyata keçirilmiş ən yaxşı təcrübələr barədə məlumat veriləcək. Həmçinin 2019-2021-ci illər üçün “Şərq Tərəfdaşlığı” ölkələrinin “İKT innovasiyaları və startap ekosistemləri” istiqamətində birgə həyata keçiriləcək layihələri müzakirə olunacaq.
Seminar Azərbaycanda ilk dəfə keçiriləcək “İnnovasiya Festivalı” çərçivəsində baş tutacaq.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb