Rusiya 2033-cü ilədək “QLONASS” naviqasiya sistemi üzrə 50 peyk buraxacaq
Bakı, 10 may, AZƏRTAC
Rusiya 2033-cü ilədək “QLONASS” qlobal peyk naviqasiya sistemi üzrə kosmosa 50 aparat buraxacaq. AZƏRTAC TASS informasiya agentliyinə istinadla xəbər verir ki, bu barədə sistemin strateji inkişaf planında qeyd olunub.
Bildirilir ki, 2019-2020-ci illərdə naviqasiya sistemi üzrə kosmosa “Soyuz-2” raketdaşıyıcılarında 10 peyk göndəriləcək. 2024-cü ildə bu aparatları təkcə “Soyuz” raketləri deyil, həm də “Anqara” raketdaşıyıcılarının ağır versiyası ilə buraxacaqlar. Ümumilikdə, 2024-cü ildən 2034-cü ilədək “Anqara-A5” raketdaşıyıcıları vasitəsilə kosmosa 9 peyk göndəriləcək.
Strategiyaya uyğun olaraq, “Soyuz” raketlərinin hər biri kosmosa bir aparat, “Anqara” isə iki peyk daşıyacaq. “QLONASS” naviqasiya sistemi peyklərinin buraxılmasında daha “Proton” tipli raketlərdən istifadə olunmayacaq. 2030-cu ildən sistemin ştatlı orbital qrupunda daimi olaraq 24 ədəd “Qlonass-K2” aparatları olacaq. Onlar yalnız Rusiyanın yerli materialları əsasında hazırlanıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib