Brüsseldə Azərbaycan və Aİ arasında Vahid Aviasiya Məkanı Sazişi üzrə müzakirələr aparılır
Bakı, 7 may, AZƏRTAC
Nəqliyyat, Rabitə və Yüksək Texnologiyalar Nazirliyinin əməkdaşları Brüsseldə Aviasiyaya dair texniki seminarda iştirak edir.
Nazirlikdən AZƏRTAC-a bildirilib ki, seminar Avropa Komissiyasının Hərəkətlilik və Nəqliyyat üzrə (MOVE) Baş Direktorluğunun rəhbəri Henrik Hololeyin cari ilin fevralında ölkəmizə səfəri çərçivəsində baş tutan görüşlərin davamı olaraq təşkil edilib. Mayın 8-də isə Aviasiyaya dair ikitərəfli görüşün keçirilməsi nəzərdə tutulur. Keçirilən görüş və tədbir Avropa Komissiyası tərəfindən Azərbaycan Respublikası və Avropa İttifaqı arasında Vahid Aviasiya Məkanı Sazişi üzrə danışıqların növbəti raunduna, sonrakı mərhələlərə dair müzakirələrin aparılması məqsədi daşıyır.
Qeyd edək ki, tədbirlərdə nazirliyin Mülki aviasiya və Beynəlxalq təşkilatlarla iş sektorları, Dövlət Mülki Aviasiya Agentliyi, “Azərbaycan Hava Yolları” QSC-nin “Azeraeronaviqasiya” Hava Hərəkəti idarəsinin nümayəndələri təmsil olunurlar.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb