Bakı, 30 aprel, AZƏRTAC

Tanınmış latviyalı rəssam İveta Vesenane mayın 3-də Azərbaycan Rəngkarlıq Muzeyində “Müasir incəsənət zövqü. Kəhrəba sapların ehtizazı” adlı mühazirə deyəcək.
AZƏRTAC xəbər verir ki, mühazirədə xanım rəssam Latviyada tekstil sənətinin indiki durumu, son 100 il ərzində tarixi prosesləri və inkişafı haqqında danışacaq. Həmçinin rəssam dünyada məşhur Latviya tekstili üzrə tanınmış rəssamlar haqqında da məlumat verəcək. Rus dilində aparılacaq mühazirədə hər kəsin iştirak etmək imkanı var.