“Azərişıq” “Yeni Yaşma” Külək Elektrik Parkına mediatur təşkil edib
Bakı, 25 aprel, AZƏRTAC
Aprelin 25-də “Azərişıq” ASC tərəfindən jurnalistlər üçün Xızıda 50 meqavatlıq “Yeni Yaşma” Külək Elektrik Parkına mediatur təşkil olunub.
AZƏRTAC xəbər verir ki, mediatur çərçivəsində “Azərişıq” ASC-nin mətbuat xidmətinin rəhbəri Tanrıverdi Mustafayev “Yeni Yaşma” Külək Elektrik Parkının fəaliyyəti barədə danışıb.
O deyib ki, 2018-ci ilin yanvarında parkda ilk turbin işə salınmaqla ay üzrə cəmi 200 min kilovat/saat elektrik enerjisi istehsal olunurdusa, hazırda 20 külək turbini tam gücü ilə işləyir və elektrik enerjisinin istehsalı ay üzrə 9 milyon kilovat/saata yaxındır. Parkda alternativ və bərpaolunan enerji mənbələri üzrə kadr hazırlığı məqsədilə xüsusi Təlim-Tədris Mərkəzi fəaliyyət göstərir. Parkın ümumi ərazisi 540 hektardır.
T.Mustafayev bildirib ki, bu ilin martında 50 meqavatlıq “Yeni Yaşma” Külək Elektrik stansiyasında 11 milyon kilovat/saatdan çox elektrik enerjisi istehsal edilib: “Küləkli hava şəraitindən asılı olaraq bu göstərici dəyişə bilər”.
“Azərişıq”: Kəlbəcər Rəqəmsal İdarəetmə Mərkəzinin tikintisi davam edir
Macarıstan gələn il Türkiyədən qaz tədarükünə başlayacaq
Azərbaycanda elektrik enerjisi istehsalı artıb
Mingəçevirdə müstəqillik dövrünün ən böyük elektrik stansiyası tikilir
“Azərişıq” ASC Hacıqabulda yenidənqurma işlərini davam etdirir