Gəmiçiliyin ötən il üçün maliyyə hesabatı müsbət rəy alıb
Bakı, 25 aprel, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) 2018-ci il üzrə birləşdirilmiş maliyyə hesabatları audit olunub.
ASCO-dan AZƏRTAC-a bildirilib ki, auditi dünyanın nüfuzlu auditor şirkətlərindən hesab edilən “Ernst & Young Holdings” (CIS) şirkəti aparıb. Şirkətin Azərbaycan üzrə idarəedici tərəfdaşı İlqar Vəliyevin ASCO-nun sədri Rauf Vəliyevlə görüşündə bildirilib ki, hesabat beynəlxalq standartlara uyğun hazırlanıb və bütün əhəmiyyətli aspektlər baxımından tələblərə tam cavab verir.
Müzakirələrdən sonra tərəflər 2018-ci ilin birləşdirilmiş maliyyə hesabatını təsdiqləyiblər. Sözügedən hesabat qanunvericilik aktlarının tələblərinə uyğun olaraq, sənədlərdə təqdim olunan informasiyadan sərbəst istifadəni təmin etmək məqsədilə ASCO-nun rəsmi internet səhifəsində yerləşdirilib.
AYNA taksi sürücüləri üçün təlimlərə başlayıb
Daha bir küçədə sürət həddi endirilib
“AzParking” mobil tətbiq istifadəçilərinin sayı artıb
ASCO üzrə bu ilin II rübündə təhvil verilən müxtəlif tullantıların həcmi açıqlanıb