Uqandada sel və daşqınlar nəticəsində ən azı 20 nəfər ölüb
Bakı, 23 aprel, AZƏRTAC
Uqandanın şərqindəki Buyende rayonunda şiddətli yağışların əmələ gətirdiyi sel və daşqınlar nəticəsində ən azı 20 nəfərin öldüyü bildirilir.
AZƏRTAC Anadolu agentliyinə istinadla xəbər verir ki, Buyende rayonunun bələdiyyə sədri Uilyam Kiiza bölgədə 200-dən çox evin dağıldığını, onlarla insanın itkin düşdüyünü bildirib. Onun sözlərinə görə, şiddətli yağışlar uzun sürən quraqlıqdan sonra başlayıb və bir neçə saat davam edib.
Təbii fəlakət nəticəsində yaralanan 200-dən çox sakin isə yerli xəstəxanalara çatdırılıb. Rayon rəhbərliyi seldən zərər çəkmiş insanlara sığınacaq verilməsi və ərzaq yardımı göstərilməsi üçün hökumətə müraciət edib. Afrikanın yoxsul ölkələrindən sayılan Uqanda hökumətinin humanitar yardım üçün məhdud imkanları olduğu bildirilir.
Kiyev və Varşava təhlükəsizlik zəmanəti barədə saziş imzalamağı planlaşdırır
ABŞ husilərə aid daha dörd PUA-nın vurulduğunu bildirib
Vaşinqtonda Hirşhorn kolleksiyasının sərgisi açılıb
Türkiyədə FETÖ ilə əlaqədə şübhəli bilinən daha 70 nəfər saxlanılıb