Topaz Premyer Liqasının XXV turunun rəmzi komandası müəyyənləşib
Bakı, 23 aprel, AZƏRTAC
Futbol üzrə Topaz Premyer Liqasının XXV turunun rəmzi komandasında yer alan futbolçular müəyyənləşib.
AZƏRTAC Peşəkar Futbol Federasiyasının saytına istinadla xəbər verir ki, “InStat” şirkətinin təhlili əsasında “11-liy”ə “Qarabağ”dan 9, “Səbail” və “Neftçi”nin hər birindən 1 futbolçu daxil edilib.
Rəmzi komandada Səlahət Ağayev (“Neftçi”), Maksim Medvedev, Rəşad Sadıqov, Bədavi Hüseynov, Abbas Hüseynov, Abdullah Zubir, Riçard Almeyda, Miçel Markos Madera, Dani Kintana (hamısı “Qarabağ”), Oke Akpoveta (“Səbail”) və Mahir Mədətov (“Qarabağ”) yer alıblar.
Qeyd edək ki, 25 turdan sonra turnir cədvəlinə aktivində 57 xal olan “Qarabağ” başçılıq edir. “Neftçi” 55 xalla ikinci, “Səbail” 38 xalla üçüncü, 36 xalı olan “Qəbələ” isə dördüncü yerdədir. Digər pillələrdə müvafiq olaraq, “Sabah” (26), “Zirə” (25), “Sumqayıt” (20) və “Keşlə” (19) yer alıblar.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir