ADA Universitetində tanınmış meksikalı rəssama həsr olunmuş tamaşa təqdim edilib
Bakı, 22 aprel, AZƏRTAC
Aprelin 22-də ADA Universitetində Meksikanın ölkəmizdəki səfirliyinin təşkilatçılığı ilə bu təhsil ocağının tələbələri tərəfindən tamaşa nümayiş olunub.
AZƏRTAC xəbər verir ki, tamaşa tanınmış meksikalı rəssam Frida Kahloya həsr olunub.
Frida həyatında çox çətinliklərlə üzləşib. O, hələ uşaq ikən poliomielit xəstəliyindən əziyyət çəkib. Məktəb illərində küçəni keçən zaman tramvayın altında qalıb. Bir neçə dəfə cərrahi əməliyyat olunsa da, ayağı tam sağalmır və bu da onun həyatına öz möhürünü vurur. Onun rəsmləri həyatında keçirdiyi çətinlikləri əks etdirir, keşməkeşli ömrünün obrazını ifadə edir. Hazırlıq məktəbində oxuyanda 2 min tələbə arasında 38 qızdan biri olub. Bu, o deməkdir ki, o, nəinki rəssam, eyni zamanda, bir qadın kimi öncüllərdəndir. Dieqo Rivera ilə tanış olanda o, Mexikoda divar rəsmləri çəkirdi. Sonradan o, Fridanın həyat yoldaşı olur. Ailə həyatında tez-tez ayrılır və yenidən barışırlar.
Tamaşanın dekorasiyasında Frida Kahlonun rəsm əsərlərindən istifadə olunub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir