Bu il Balakəndə 7 min hektarda qarğıdalı əkilməsi nəzərdə tutulur
Balakən, 22 aprel, Mustafa Dadaşov, AZƏRTAC
Qarğıdalı istehsalı Balakən rayonunun kənd təsərrüfatında aparıcı yerlərdən birini tutur. Cari ildə rayonun təsərrüfatlarında 7 min hektar sahədə qarğıdalı əkilməsi planlaşdırılır. Bir neçə gündür təsərrüfatlarda qarğıdalı əkininə başlanılıb. Fermerlər qısa müddətdə 320 hektar sahəyə qarğıdalı əkiblər.
Bu barədə AZƏRTAC-ın bölgə müxbirinə Balakən Dövlət Aqrar İnkişaf Mərkəzinin direktor müavini Elvin Səmədov məlumat verib.
Qurum rəsmisi bildirib ki, hazırda Balakən rayonu qarğıdalı bitkisinin əkin sahəsinə və istehsal olunan məhsulun həcminə görə respublikada ön sırada yer alır. Ötən il rayonda 43 min tona yaxın dən qarğıdalı istehsal olunub.
Elvin Səmədov deyib ki, hazırda təsərrüfatlarda yazlıq bitkilərin əkini də mütəşəkkil davam edir. Məhsul istehsalçıları indiyədək 522 hektar sahədə kartof, 622 hektarda xiyar, 172 hektarda pomidor, 230 hektarda digər növ bitkiçilik məhsulları əkib, 440 hektar sahəyə çoxillik yonca toxumu səpiblər.
Rayonda tütün şitillərinin sahələrə köçürülməsi işi də gündən-günə sürətlənir. Fermerlər indiyədək 30 hektarda “Virciniya”, 7 hektarda isə “İmmuniy” növ tütün əkiblər. Builki mövsümdə rayonda 450 hektarda tütün əkilməsi nəzərdə tutulur.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb