MSK Ukraynada ən aktiv və passiv seçki dairələrinin siyahısını açıqlayıb
Kiyev, 21 aprel, AZƏRTAC
Ukraynada prezident seçkilərinin ikinci turunda yerli vaxtla saat 15:00-a olan nəticəyə görə, Mərkəzi Seçki Komissiyasının son hesablamalarına əsasən seçici fəallığı 45,26 faiz təşkil edib. Bu da seçkilərin birinci turunun analoji vaxtı ilə müqayisədə artıqdır.
AZƏRTAC xəbər verir ki, bu barədə Ukraynanın Mərkəzi Seçki Komissiyası məlumat yayıb.
Məlumata görə, seçicilərin aktivliyi saat 12:00-dan sonra artıb. Dneprpetrovsk vilayətində seçicilərin 50,90, Poltovada 50,37, Xarkovda 48,18, Nikolayev vilayəti 48,33, Kiyevdə 46,14, Lvovda 40,12 faizi səs verib. Ən zəif seçici aktivliyi Zakarpatya vilayətində qeydə alınıb – 29,64 faiz.
Qeyd edək ki, seçkilərin ikinci turunda prezidentlik uğrunda namizədlər Vladimir Zelenski ilə Petro Poroşenko mübarizə aparırlar.
Emil Hüseynli
AZƏRTAC-ın xüsusi müxbiri
Kiyev
Cənubi Afrikada avtobus qəzası nəticəsində 45 nəfər ölüb
Çinin internet şirkətləri iki ayda 35 milyard dollara yaxın gəlir əldə edib
ABŞ Baltimordakı körpünün bərpasına 60 milyon dollar ayırıb
Tədqiqat: 7 saatdan az yuxu yüksək təzyiq riskini artırır
Alimlər virusların insandan heyvana daha çox keçdiyini ortaya çıxarıblar