Türkiyədə partiya sədri qəzəbli kütlənin hücumuna məruz qalıb
Ankara, 21 aprel, AZƏRTAC
Türkiyədə müxalifətdə olan Cümhuriyyət Xalq Partiyasının (CHP) sədri Kamal Klıçdaroğlu Ankarada qatıldığı şəhid hərbçi Yener Kırıkcının yas mərasimində qəzəbli kütlənin hücumuna məruz qalıb.
AZƏRTAC xəbər verir ki, təhlükəsizlik qüvvələrinin əməkdaşları partiya sədrini qəzəbli kütlənin əlindən alıb. Partiya sədri hadisə yerindən zirehli maşınla uzaqlaşdırılıb.
Xatırladaq ki, aprelin 19-da Türkiyə Silahlı Qüvvələri hərbi birləşmələrinin İraqla dövlət sərhədində apardığı antiterror əməliyyatı zamanı PKK terrorçularının hücumu nəticəsində 4 türk hərbçisi şəhid olub, 6-si yaralanıb. Müqavilə əsasında hərbi xidmətdə olan Yener Kırıkcı şəhidlərdən biridir. Cümhuriyyət Xalq Partiyası PKK terror təşkilatının siyasi qanadı olan HDP ilə müttəfiqlikdə ittiham olunduğu üçün davamlı olaraq şəhid cənazə mərasimlərində belə insidentlər baş verir.
Türkiyənin ali vəzifəli şəxsləri müxalifət partiya sədrinə hücumun yolverilməz olduğu barədə açıqlama veriblər. Hadisə ilə bağlı araşdırma aparılır.
Sabir Şahtaxtı
AZƏRTAC-ın xüsusi müxbiri
Ankara
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır