DİN: Ukraynada səsvermə günü artıq 600-dən çox şikayət daxil olub
Kiyev, 21 aprel, AZƏRTAC
Ukraynada prezident seçkilərinin ikinci turu ilə bağlı keçirilən səsvermə günü artıq 600-dən artıq seçki pozuntusu qeydə alınıb. Bu da seçkilərin birinci turunun analoji vaxtı ilə müqayisədə eynidir.
AZƏRTAC xəbər verir ki, bu barədə Ukrayna Daxili İşlər Nazirliyi məlumat yayıb.
Daxil olan şikayətlər araşdırılır, müvafiq qərarlar çıxarılır. Bunların əksəriyyəti qanunsuz təbliğat, seçki bülletenlərinin şəkillərinin çəkilməsi ilə bağlıdır.
Səsvermə günü, həmçinin Ukraynanın 3 vilayətinin 10 obyektinin minalanması ilə bağlı xəbər daxil olub. Ancaq yoxlamadan sonra məlumatlar təsdiqini tapmayıb.
Mərkəzi Seçki Komissiyası isə yaydığı məlumatda, seçki pozuntularının səsvermənin nəticələrinə təsir etmədiyini açıqlayıb.
Qeyd edək ki, Ukraynada prezident uğrunda iki namizəd-Vladimir Zelenski və Petro Poroşenko mübarizə aparır.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır