Bakı, 21 aprel, AZƏRTAC
Almaniyada "GRENKE Chess Classic 2019" superturnirinin ilk turunun oyunları keçirilib.
AZƏRTAC xəbər verir ki, ilk turda Azərbaycan şahmatçısı Arkadi Naydiçin ermənistanlı Levon Aronyanla oyunu heç-heçə başa çatıb. Maqnus Karlsen Vinsent Keymerə qalib gəlib. Turun digər oyunlarında Qeorq Mayer Fransisko Valexo, Piter Svidler Fabiano Karuana, Maksim Vaşe-Laqrav Vişvanatan Anandla sülh bağlayıblar.
Aprelin 21-də ikinci turda Arkadi Naydiç P.Svidlerlə mübarizə aparacaq.