Qırğızıstanda türk dövlətlərinin etnofestivalı keçirilib
Bişkek, 20 aprel, AZƏRTAC
Qırğızıstanın Oş şəhərinin “Türk dünyasının mədəniyyət paytaxtı” elan edilməsi ilə əlaqədar təşkil olunan tədbirlər çərçivəsində etnofestival keçirilib.
AZƏRTAC xəbər verir ki, TÜRKSOY-un Baş katibi Düsen Kaseinov, Azərbaycan, Türkiyə, Qazaxıstan, Özbəkistan, Türkmənistan nümayəndələri etnofestivalda qonaq qismində iştirak ediblər.
Azərbaycanı bu tədbirdə mədəniyyət nazirinin müavini Rafiq Bayramovun rəhbərliyi ilə nümayəndə heyəti təmsil edib.
Etnofestivalda Oş vilayətinin bütün rayonları öz adət-ənənələrini, mətbəx nümunələrini, geyimlərini, musiqilərini təqdim ediblər. Qırğızıstanda məşhur olan “Manas”ın təbliğatçıları eposdan parçalar söyləyiblər. Həmçinin iştirakçı ölkələrin musiqiləri səsləndirilib.
Etnofestival çərçivəsində keçirilən tədbirlər gün ərzində davam edib.
Qulu Kəngərli
AZƏRTAC-ın xüsusi müxbiri
Bişkek
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir