Əfqanıstanda nazirliyin binasına silahlı hücum nəticəsində ən azı 7 nəfər ölüb
Bakı, 20 aprel, AZƏRTAC
Əfqanıstanın paytaxtı Kabildə bu ölkənin İnformasiya Nazirliyinin binasına silahlı hücum nəticəsində ən azı 7 nəfərin öldüyü bildirilir.
AZƏRTAC BBC telekanalının saytına istinadla xəbər verir ki, binaya hücum edən silahlı qruplaşma ilə mühafizə xidməti əsgərlərinin atışması nəticəsində ölənlərin dördü mülki şəxs, üçü isə hərbçilərdir. Hökumət mənbələri bu terror aktında “Taliban”ı ittiham etsələr də, hərəkatın sözçüsü bunu təkzib edib.
Nazirliyin binası Kabilin mərkəzində - əcnəbilərin qaldıqları otellər və Prezident sarayının olduğu ərazidə yerləşir. On səkkiz mərtəbəli binada olan dövlət qulluqçuları atışmanın davam etdiyi dörd saat ərzində buradan çıxa bilməyiblər. Sonra onları təxliyə ediblər və yaralanan doqquz mülki şəxsi də xəstəxanaya çatdırıblar.
Qeyd edək ki, Qətərin paytaxtı Dohada “Taliban” və ABŞ arasında aparılan sülh danışıqlarında da fasilə yaranıb.
IRENA Assambleyasının 14-cü sessiyası işini panel sessiyaları ilə davam etdirir
Kopenhagendə yanan tarixi birjanın fasadı uçub
Avropa İttifaqı İrana qarşı yeni sanksiyalar tətbiq edib
Türkiyədə baş verən zəlzələ nəticəsində bir neçə tikiliyə ciddi zərər dəyib
Potsdam Universiteti: İqlim dəyişikliyi qlobal iqtisadiyyatı təhdid edir