Moskva, 20 aprel, AZƏRTAC

Rusiyanın Zabaykalye diyarında təbii yanğınlar nəticəsində 27 nəfər xəsarət alıb.
AZƏRTAC xəbər verir ki, diyarın Səhiyyə Nazirliyinin məlumatına görə, yaralılardan ikisinin vəziyyəti ağırdır.
Yerli hakimiyyət orqanları yanğınlar nəticəsində son bir gündə alovun 14 yaşayış məntəqəsində 107 binaya, o cümlədən 88 evə zərər vurduğunu, 300-dən çox sakinin evsiz qaldığını bildirirlər.
Hazırda regionda fövqəladə vəziyyət elan olunub. Hadisə yerlərində yanğınsöndürmə briqadaları işləyir.

Fəridə Abdullayeva
AZƏRTAC-ın xüsusi müxbiri
Moskva