İranın təhlükəsizlik naziri: ABŞ-ın casus şəbəkəsi aşkar edilib
Tehran, 19 aprel, AZƏRTAC
İranın təhlükəsizlik qüvvələrinin həyata keçirdikləri əməliyyat nəticəsində İranda və regionun digər ölkələrində 290 casus aşkar olunub.
AZƏRTAC xəbər verir ki, bu sözləri İranın təhlükəsizlik naziri Mahmud Ələvi deyib. O bildirib ki, ABŞ Mərkəzi Kəşfiyyat İdarəsi üçün casusluq fəaliyyəti göstərənlər həbs edilib. Digər dövlətlərin təhlükəsizlik orqanları ilə informasiya mübadiləsi sahəsində əməkdaşlıq əlaqələrimiz var. Bu əlaqələrə əsasən həmin dövlətlərə də məlumat verilərək ərazilərində ABŞ-ın casus şəbəkəsinin olması bildirilib. M.Ələvi dövlətlərin adını sadalamasa da qeyd edib ki, ABŞ-ın casus şəbəkəsi region ölkələrində də geniş fəaliyyət göstərir.
Nazir qeyd edib ki, hazırda həbs olunanlar dindirilir. Yaxın gələcəkdə ictimaiyyətə daha ətraflı məlumat veriləcək.
Rabil Kətanov
AZƏRTAC-ın xüsusi müxbiri
Tehran
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır