Göyərtəsində 5 ton narkotik maddə aşkarlanan “Pervin oğulları” gəmisi İzmir limanına gətirilib
İstanbul, 19 aprel, AZƏRTAC
Türkiyənin təhlükəsizlik qüvvələrinin aprelin 15-də Aralıq dənizinin neytral hissəsində təşkil etdiyi birgə əməliyyat nəticəsində ələ keçirilən, göyərtəsində 5 ton narkotik maddə və 6 şübhəli şəxsin olduğu “Pervin oğulları” adlı kiçik balıqçı gəmisi İzmir limanına gətirilib.
AZƏRTAC xəbər verir ki, sahildən 1400 kilometr məsafədə ələ keçirilən gəmini İzmir limanına “SG Umut” gəmisi gətirib.
Türkiyə xüsusi xidmət orqanları “Pervin oğulları” adlı gəmi vasitəsilə mütəşəkkil cinayətkar dəstənin narkotik vasitələrin qanunsuz dövriyyəsini həyata keçirməsi barədə bu il fevralın 2-də məlumat alıb. Məlumat əsasında dörd aydır aparılan məxfi əməliyyatlardan sonra aprelin 15-də gəmi saxlanılıb. Əməliyyatlar nəticəsində ümumilikdə 16 nəfər məsuliyyətə cəlb olunub. Narkotik vasitənin Avropa ölkələrinə aparılmasının planlaşdırıldığı bildirilir.
Faktla bağlı araşdırmalar davam etdirilir.
Günel Məlikova
AZƏRTAC-ın xüsusi müxbiri
İstanbul
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır