Avstriyalı diplomat BMT-də yüksək vəzifəyə təyin edilib
Vyana, 19 aprel, AZƏRTAC
BMT-nin baş katibi Antonio Quterreş avstriyalı Folker Türkü strateji koordinasiya üzrə baş katibin müavini vəzifəsinə təyin edib.
AZƏRTAC xəbər verir ki, 2015-ci ildən Cenevrədə BMT-nin qaçqınlar üzrə ali komissarın müavini vəzifəsində çalışan F.Türk bu ilin iyul ayında çilili Fabritsio Drummondu əvəz edəcək. Bu təyinatla F.Türk BMT sistemində ən yüksək vəzifəyə təyin olunan Avstriya diplomatı olub.
Təyinatla bağlı açıqlamada qeyd edilib ki, strateji koordinator beynəlxalq təşkilatın siyasət, sülhün təminatı, davamlı inkişaf, humanitar yardım, insan haqları və hüquqi dövlətçilik idarələrindən baş katibin ofisinə təqdim olunmuş məlumatların strateji analizi və əlaqəli təsviri məsələlərinə cavabdehdir.
Hüquq üzrə ali təhsilə malik 54 yaşlı V. Türk 30 ildən artıqdır ki, BMT sistemində çalışır.
Elgün Niftəli
AZƏRTAC-ın xüsusi müxbiri
Vyana
Cənubi Koreyada sürət qatarı ilə doğum səviyyəsi arasında maraqlı əlaqə tapıblar
NATO İspaniyada üçüncü hərbi-dəniz bazasını yerləşdirir
Yunanıstanda 6 bal gücündə zəlzələ olub
Ukraynaya raket hücumu nəticəsində 6 bölgənin enerji infrastrukturuna ziyan dəyib