Fransa ötən il 9 milyard avro həcmində silah ixrac edib
Bakı, 19 aprel, AZƏRTAC
Fransada silah ixracatının həcmi 2018-ci ildə 9 milyard avroya çatıb.
AZƏRTAC xəbər verir ki, bunu Fransa Silahlı Qüvvələri naziri Florans Parli CNews telekanalına müsahibəsində deyib. “2018-ci ildə silah ixracatının həcmi təxminən 9 milyard avro təşkil edib, 2017-ci ildə isə bu göstərici 7 milyard avroya bərabər olub. Yəni, biz 30 faizlik artıma nail olmuşuq”, - deyə qadın nazir bildirib.
Bununla yanaşı, Florans Parli qeyd edib ki, Fransanın silah ixracatından daha çox gəlir əldə etdiyi vaxtlar da olub. 2016-cı ildə onlarla “Rafale” təyyarəsinin çatdırılmasına dair Hindistanla imzalanan müqavilə sayəsində ixracatın həcmi 10 milyard avronu keçmişdi.
Hərbi nazir, həmçinin yaxın vaxtlarda qurumun parlamentə silah ixracatı ilə bağlı məruzə təqdim edəcəyini də bildirib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır