İndoneziyanın hazırkı prezidenti seçkilərdə qələbə qazandığını elan edib
Bakı, 18 aprel, AZƏRTAC
İndoneziyanın hazırkı prezidenti Coko Vidado dövlət başçısı postuna dünən keçirilən seçkilərdə qələbə qazandığını elan edib.
AZƏRTAC xarici KİV-lərə istinadla xəbər verir ki, prezident bunu aprelin 18-də Cakartada tərəfdarları ilə görüşü zamanı bildirib. Çoxsaylı sosioloji sorğuların nəticələrinə əsaslanan Coko Vidado deyib ki, o, 54,5 faiz, rəqibi Prabovo Subianto isə 45,5 faiz səs toplayıb. Prezident, eyni zamanda, rəsmi nəticələri gözləmək lazım gəldiyini vurğulayıb.
Bu ərəfədə prezidentliyə müxalifətdən olan namizəd Prabovo Subianto da seçkilərdə qalib gəldiyini iddia edib və bildirib ki, uduzacağı təqdirdə özünün on minlərlə tərəfdarını küçələrə çıxaracaq.
İndoneziya Mərkəzi Seçki Komissiyası rəsmi nəticələri aprelin 25-də elan etməlidir. Seçkilərdə qələbə üçün sadə səs çoxluğu kifayət edir.
Tədqiqat: 7 saatdan az yuxu yüksək təzyiq riskini artırır
Alimlər virusların insandan heyvana daha çox keçdiyini ortaya çıxarıblar
İsveç arxeoloqları XII əsrə aid gümüş sikkələr aşkarlayıblar
Finlandiyada etiraz nümayişləri Pasxa bayramından sonra davam edəcək
Bir ay tam yuxu alan insanlar özlərini 6 yaş cavan hiss edirlər - Araşdırma