ABŞ-ın bir sıra mərkəzi və cənub ştatlarında dolu və tornado gözlənilir
Vaşinqton, 18 aprel, AZƏRTAC
Aprelin 17-də ABŞ Milli Meteoroloji Xidməti Texas, Oklahoma və Kanzas ştatlarının bəzi rayonlarında uzunsürən leysan yağışları və tornadonun ehtimalının artmasını elan edib. Bu gün və sabah ölkənin cənub-şərq hissəsində güclü qasırğa gözlənilir.
AZƏRTAC xəbər verir ki, sinoptiklər bu gün qasırğanın güclənərək Meksika körfəzi sahilləri boyunca şərqə doğru istiqamət götürəcəyini, Luiziana və Missisipidə dağıdıcı küləklərin əmələ gələcəyini proqnozlaşdırırlar. Uzunsürən yağışlar bu gün Corciya ştatının Atlanta rayonunda qəfil daşqınlara səbəb ola bilər.
Atlantik okeanı sahillərində rütubətin artması səbəbindən qasırğa sabahadək Virciniya, Merilend, Delaver və Floridaya yayıla bilər. Sərt hava şəraiti son günlər ABŞ-ın bir neçə ştatında faciəli nəticələrə gətirib çıxarıb. Güclü tufanlar ötən həftə azı 9 nəfərin həyatına son qoyub.
Yusif Babanlı
AZƏRTAC-ın xüsusi müxbiri
Vaşinqton
Ən varlı amerikalıların 1 faizinin sərvəti 44,6 trilyon dollara yüksəlib
Kembricdə şahzadə Filippin heykəlini demontaj edəcəklər
Cənubi Koreyada sürət qatarı ilə doğum səviyyəsi arasında maraqlı əlaqə tapıblar