Lissabon, 17 aprel, AZƏRTAC

Lissabon və Faru aeroportları yanacaq çatışmazlığı ucbatından mümkün ola bilən böhran vəziyyəti barədə xəbər veriblər. Yanacaq təchizatının dayandırılması “xidmətin pozulmasına” gətirib çıxara bilər.
AZƏRTAC “Lusa” agentliyinə istinadla xəbər verir ki, aeroport nümayəndələrinin sözlərinə görə, təhlükəli yüklərin daşıyıcı-sürücüləri tərəfindən həmkarlar komitəsinin (Sindicato Nacional de Motoristas de Matérias Perigosas) təşkilatçılığı ilə keçirilən tətillər səbəbindən yaxın vaxtlarda işdə fasilələr yarana bilər. Məhz hansı fasilələr olacağı dəqiqləşdirilmir. Həmkarlar komitəsinin məlumatına görə, aprelin 16-dan başlanan tətillərdə sürücülərin 100 faizi iştirak edir.

Nigar Cəfərli
AZƏRTAC-ın xüsusi müxbiri
Lissabon