Fransa Müəssisələr Hərəkatının prezidenti Bakıya səfər edəcək
Paris, 9 aprel, AZƏRTAC
Bu ilin iyul ayında Fransa Müəssisələr Hərəkatının (MEDEF) prezidenti Jöfrua Ru dö Bözye “MEDEF International” təşkilatının müəssisələrinin təmsilçilərindən ibarət nümayəndə heyəti ilə Bakıda səfər edəcək. Bu, MEDEF-in prezidentinin Qafqaz regionuna ilk səfəridir.
AZƏRTAC xəbər verir ki, MEDEF-dən verilən məlumata əsasən, təşkilatın prezidentinin səfəri ötən ilin iyulunda Azərbaycan Respublikasının Prezidenti İlham Əliyevin və bu ilin martında isə Birinci vitse-prezident Mehriban Əliyevanın Fransaya səfərlərinin, eləcə də Fransa-Azərbaycan Hökumətlərarası Komissiyanın fəaliyyətinin davamıdır.
İqtisadi əlaqələrin inkişafını və əməkdaşlıq sektorlarının şaxələndirilməsini sürətləndirmək məqsədi daşıyan səfər zamanı müxtəlif sahələr üzrə bir sıra görüşlər keçiriləcək, həmçinin qonaqlar Azərbaycanda aparılan iqtisadi islahatlarla tanış olacaqlar.
Şəhla Ağalarova
AZƏRTAC-ın xüsusi müxbiri
Paris
Azərbaycan neftinin qiyməti 89 dolları ötüb
Azərbaycan Beynəlxalq Astronavtika Federasiyasının “Yaz toplantıları” konfransında təmsil olunub
“Azərişıq” Göyçayda yenidənqurma işlərini davam etdirir
Nazir: “SİMA İmza” tətbiqinin xarici ölkələrə ixracı üçün danışıqlar aparılır
Elektron Təhlükəsizlik Xidməti OIC-CERT kibertəhlükəsizlik təşkilatına üzv olub