Afrika Millətlər Kubokunun təsnifat mərhələsinə yekun vurulub
Qahirə, 25 mart, AZƏRTAC
Afrika Millətlər Kubokunun təsnifat mərhələsinə yekun vurulub.
AZƏRTAC xəbər verir ki, yarışa vəsiqə qazanan bütün ölkə komandalarının adları müəyyənləşib.
Turnirdə meydan sahibi Misirlə yanaşı, daha 23 yığma – Seneqal, Madaqaskar, Mərakeş, Kamerun, Mali, Burundi, Əlcəzair, Benin, Nigeriya, Cənubi Afrika Respublikası, Qana, Keniya, Zimbabve, Konqo Demokratik Respublikası, Qvineya, Kot dİvuar, Anqola, Mavritaniya, Tunis, Qvineya-Bisau, Namibiya, Uqanda və Tanzaniya yığmaları mübarizə aparacaq.
Qeyd edək ki, Afrika Millətlər Kuboku 21 iyun – 19 iyulda Misirdə keçiriləcək. Turnirin görüşləri Misirin beş əyalətində - Qahirə, İsgəndəriyyə, İsmailiyyə, Port-Səid və Süveyşdə reallaşacaq. Yarışın ən titullu komandası hesabında yeddi çempionluq olan meydan sahibləridir.
Asya Hacızadə
AZƏRTAC-ın xüsusi müxbiri
Qahirə
“Murov Az Terminal”ın kapitanı: “Neftçi”ni məğlub edərək finala çıxmaq sürpriz deyildi
Azərbaycan Liqası: Çempionluğa iddialı komandalar Mingəçevirdə üz-üzə gələcək
Kişi şahmatçıların Azərbaycan çempionatında yarımfinalçıları bəlli olub
Bakıda bədii gimnastika üzrə Dünya Kubokunun ikinci gününə start verilib
“Rik və Morti” animasiya serialının rəssamı “GameSummit 2024” üçün Bakıya gəlir