Ankara, 24 mart, AZƏRTAC
Türkiyənin Qızıl Ay Cəmiyyəti Mozambikdə təbii fəlakətdən zərər çəkən insanlara humanitar yardım göndərib.
AZƏRTAC Anadolu agentliyinə istinadla xəbər verir ki, yük təyyarəsi ilə aparılan yardım 600 ailə üçün nəzərdə tutulan fövqəladə vəziyyət paketlərindən ibarətdir.
Bildirilir ki, “Idai” tropik qasırğası nəticəsində Afrikanın cənub-şərqində 600 min insan evini tərk etmək məcburiyyətində qalıb. Mozambikdə ölənlərin sayı 417-ni ötüb. Zimbabvedə 259, Malavidə isə 56 nəfər ölüb.

Sabir Şahtaxtı
AZƏRTAC-ın xüsusi müxbiri
Ankara