Türkiyədə əmlaka sahib olan azərbaycanlıların sayı artıb
İstanbul, 23 mart, AZƏRTAC
Bu ilin fevral ayında Azərbaycanın 105 vətəndaşı Türkiyədə daşınmaz əmlak alıb. Bu da ötən ilin eyni dövrü ilə müqayisədə 42 nəfər və ya 66,67 faiz çoxdur.
AZƏRTAC xəbər verir ki, 2019-cu ilin ilk iki ayında isə bu rəqəm 200 nəfər təşkil edib. Bu da illik müqayisədə 72 nəfər və ya 56,25 faiz çoxdur. Türkiyədə, ümumilikdə, fevral ayında 3 min 357 xarici vətəndaş mənzil alıb ki, bu da ötən ilin eyni dövrü ilə müqayisədə 91 faiz çoxdur. Yanvar-fevral aylarında isə Türkiyədə xarici vətəndaşlara 6 min 557 mənzil satılıb. Burada da illik müqayisədə 86,4 faiz artım müşahidə olunur.
Türkiyədə ən çox mənzil alan xarici vətəndaşların sayına görə İraq ilk yerdədir. Siyahıda sonrakı yeri isə iranlılar tutur.
Günel Məlikova
AZƏRTAC-ın xüsusi müxbiri
İstanbul
Hacıqabulda narkokuryerlik edən iki nəfər saxlanılıb
ADAU-da keçirilən fakültələrarası futbol turniri yekunlaşıb
Sərnişin ehtiyatsızlıq səbəbindən metronun stansiya yoluna düşüb
Azərbaycanda icra edilən ürək əməliyyatı barədə məqalə ABŞ-ın nüfuzlu jurnalında dərc olunub