İki ayda Azərbaycan ilə Belarus arasında idxal-ixrac əməliyyatları 60 milyon dollara çatıb
Minsk, 23 mart, AZƏRTAC
Bu ilin yanvar-fevral aylarında Azərbaycan ilə Belarus arasında idxal-ixrac əməliyyatlarının həcmi 60 milyon ABŞ dollarına çatıb.
Bu barədə AZƏRTAC-a Belarus Dövlət Statistika Komitəsindən məlumat verilib. Bildirilir ki, yanvar-fevralda Belarusdan ölkəmizə idxalın dəyəri 55,9 milyon dollar, Azərbaycandan bu ölkəyə ixracın həcmi isə 3,3 milyon dollar olub.
Qeyd edək ki, ötən il Azərbaycan ilə Belarus arasında idxal-ixrac əməliyyatlarının həcmi 204 milyon ABŞ dollarına yaxın olub ki, bu da 2017-ci ilin analoji göstəricisindən təxminən 56 milyon dollar çoxdur.
Emil Hüseynli
AZƏRTAC-ın xüsusi müxbiri
Minsk
Aerokosmik Modelçilik Festivalının qalibləri mükafatlandırılıb
Sovet İttifaqında çox nəhəng tikinti olan Baykal-Amur Magistralı Heydər Əliyevin adı ilə bağlıdır