Bakı-Ankara-Bakı xətti ilə hərəkət edəcək sərnişin qatarı Türkiyə ərazisinə çatıb
Ankara, 23 mart, AZƏRTAC
“Azərbaycan Dəmir Yolları” Qapalı Səhmdar Cəmiyyətinin sifarişi ilə İsveçrənin “Stadler Rail Group” şirkəti tərəfindən istehsal olunan 10 vaqondan ibarət sərnişin qatarı Türkiyəyə çatıb.
AZƏRTAC xəbər verir ki, bu barədə Türkiyə KİV-ləri məlumat verib. Bildirilir ki, Bakı-Tbilisi-Qars-Ankara-Bakı xəttində hərəkət edəcək qatarda doqquz sərnişin vaqonu, bir restoran var. İsveçrədən Türkiyəyə öz hərəkəti ilə gələn qatar qısa zamanda Qarsdan Bakıya yola salınacaq.
Qeyd edək ki, “Azərbaycan Dəmir Yolları” Qapalı Səhmdar Cəmiyyəti ilə İsveçrənin “Stadler Rail Group” şirkəti arasında Bakı-Tbilisi-Qars marşrutu üçün vaqonların istehsalına dair müqavilə imzalanıb. "Stadler" şirkətinə sifariş olunmuş 30 ədəd vaqon "standart", "komfort", "biznes" və "restoran" olmaqla dörd kateqoriyadan ibarətdir.
Sabir Şahtaxtı
AZƏRTAC-ın xüsusi müxbiri
Ankara
Aerokosmik Modelçilik Festivalının qalibləri mükafatlandırılıb
Sovet İttifaqında çox nəhəng tikinti olan Baykal-Amur Magistralı Heydər Əliyevin adı ilə bağlıdır
® “Bakcell” 100000GB kütləvi hədiyyə paylayır!
Bu il “Aerokosmik Modelçilik Festivalı” iştirakçılarının sayı 2 dəfə artıb