Novruz bayramı San-Dieqo şəhərində də qeyd edilib
Bakı, 22 mart, AZƏRTAC
Novruz bayramı Kaliforniyanın San-Dieqo şəhərində təntənə ilə qeyd edilib. Tədbir Azərbaycanın Los-Ancelesdəki baş konsulluğunun dəstəyi və Kaliforniya Azərbaycan Dostluq Assosiasiyasının təşkilatçılığı ilə keçirilib.
Konsulluqdan AZƏRTAC-a bildiriblər ki, bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.
Tədbirdə çıxış edən CAFA-nın icraçı direktoru Kimiya Məmmədova Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova, həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib.
Sonra tədbir tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.
Cəfər Cabbarlının 125 illik yubileyi qeyd olunub
Cenevrədə keçiriləcək “Türk həftəsi”ndə türkdilli dövlətlərin mədəni irsi tanıdılacaq
Rus evində “Bakı. Sevgi. Bahar.” festivalı keçirilir
Venesiya Biennalesində Azərbaycan pavilyonunun açılışı olub VİDEO
Xalq rəssamı Aydın Rəcəbovun 80 illik yubileyinə həsr olunmuş “Bir ömrün naxışları” sərgisi açılıb