Bakı-Quba avtomagistralında yol qəzası baş verib
Xırdalan, 21 mart, AZƏRTAC
Bakı-Quba avtomagistralında yol-nəqliyyat hadisəsi baş verib.
Abşeron Rayon Polis İdarəsindən AZƏRTAC-a bildirilib ki, yolun Xırdalan şəhərindən keçən hissəsində avtomobil qəzaya uğrayaraq yanıb. Belə ki, "Hyundai" markalı avtomobilin sürücüsü paytaxt istiqamətinə hərəkətdə olarkən idarəetməni itirib. Minik avtomobili tunelin girişindəki dəmir arakəsməyə çırpılıb. Zərbənin gücündən avtomobilin mühərrik hissəsində yanğın baş verib.
Dərhal əraziyə Fövqəladə Hallar Nazirliyinin Yanğınsöndürmə Xidmətinin əməkdaşları cəlb edilib, avtomobilin mühərrikində baş verən yanğın söndürülüb. Sürücü bədən xəsarətləri aldığı üçün xəstəxanaya yerləşdirilib.
Tovuzda 40 yaşlı kişini “tok” vurub öldürdü
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB
Laçındakı Aqrosənaye parkında 46 müəssisə fəaliyyət göstərəcək