Corc Mayklın sənət kolleksiyası 10 milyon avroya satılıb
Bakı, 21 mart, AZƏRTAC
Vəfat etmiş tanınmış britaniyalı pop-ifaçı Corc Mayklın incəsənət kolleksiyasının çox hissəsi Christie (London) auksionunda 10 milyon avrodan artıq qiymətə satılıb. 2016-cı ilin qışında ölən vokalistin kolleksiyası internet auksionunda satışa çıxarılıb. Əldə olunan gəlir Mayklın həyatı boyu məşğul olduğu xeyriyyəçilik işlərinə sərf olunacaq. 27 ölkədən olan alıcılar “Gənc Britaniya incəsənəti” hərəkatına mənsub olan əsərlərə qiymət veriblər.
Damien Hirst, Tracey Emin, Sarah Lucas, Maykl Craig-Martin və Marc Quinn bu hərəkatın nümayəndələrindəndilər və onların yaratdıqları “Corc Maykl Koleksiyası”na daxildir. Bəstəkar nəinki bu sənətkarların əsərlərini toplayıb, hətta onlarla canlı ünsiyyətdə də olmuşdur. Bu müğənninin avanqard yaradıcılığına olan ehtirasından irəli gəlirdi.
AZƏRTAC xəbər verir ki, öz qiymətini on dəfələrlə aşan Jim Lambienin “Etinadsız nəfəs” əsəri rekord qazanaraq 204,925 avroya satılıb.
Last Christmas qrupunun vokalçısı 2016-cı il dekabrın 25-də 53 yaşında ürək tutmasından dünyasını dəyişib. Maykl öz karyerası boyunca bütün dünyada 100-dən çox albom satıb. O, 1980-1990-cı illərin pop ulduzlarından biri olub.
Qeyd edək ki, Corc Maykl 1963-cü il iyunun 25-də Londonun şimalındakı Bushey şəhərində anadan olub. Gənc yaşlarından musiqiyə həvəs göstərib. Tələbəlik vaxtlarında bir sıra musiqi qruplarında çıxış edib. 1982-ci ildə “Wham!” qrupunu yaradıb. 1982-ci və 1986-cı illərdə onun üç diski işıq üzü görüb və müğənnini məşhur edib. O, 1987-ci ildən “Faith” albomu ilə solo karyerasına başlayıb. Bu disk onu dünya şöhrətli ifaçıya çevirib.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir