Təhsildə inkişaf və innovasiyalar üzrə III qrant müsabiqəsinə sənəd qəbulu davam edir
Bakı, 19 mart, AZƏRTAC
Təhsil Nazirliyi tərəfindən martın 11-dən elan olunmuş təhsildə inkişaf və innovasiyalar üzrə III qrant müsabiqəsinə sənəd qəbulu davam edir.
Nazirlikdən AZƏRTAC-a bildiriblər ki, bu ildən etibarən müsabiqəyə sənəd qəbulu tam elektron formada www.grants.edu.az portalı vasitəsilə aparılır. Təhsil Nazirliyi tərəfindən yeni yaradılan portaldan istifadə qaydalarını və ümumilikdə müsabiqəyə müraciət şərtlərini ümumtəhsil müəssisələri və pedaqoji işçilər arasında təbliğ etmək məqsədilə bütün rayonları (şəhərləri) əhatə etməklə Gəncə, Sumqayıt və Mingəçevir şəhərləri, Lənkəran, Quba və Salyan rayonlarında görüşlər keçirilib. Görüşlərdə rayon (şəhər) təhsil şöbələrinin (idarələrinin) 800 nəfərə yaxın əməkdaşı, ümumtəhsil müəssisələrinin direktorları və pedaqoji işçiləri iştirak ediblər.
Görüşlərdə iştirakçıların suallarına ətraflı cavab verilib və yeni yaradılan portaldan istifadə qaydaları praktik üsullarla izah edilib.
Müsabiqəyə sənəd qəbulu aprelin 1-dək davam edəcək.
Elm və təhsil naziri Samuxda vətəndaşları qəbul edəcək
İqlim dəyişikliyi saatların bir saniyə itirməsinə səbəb ola bilər
Məktəb psixoloqları üçün müsabiqə
BDU-nun müəllimi Rumıniyanın Aleksandr İohan Kuzi adına Yassı Universitetində mühazirə deyib