Bolu, 19 mart, AZƏRTAC

Bu gün Türkiyənin Bolu şəhərində Koroğlunun nəhəng abidəsinin açılışı olacaq.
AZƏRTAC xəbər verir ki, abidə Beynəlxalq Türk Mədəniyyəti Təşkilatının (TÜRKSOY) təşəbbüsü ilə 2016-cı ildə həyata keçirilən “Koroğlu” abidəsi memarlar müsabiqəsi əsasında ucaldılıb.
Abidənin müəllifi Qazaxıstanın tanınmış memarı Murad Mansurovdur. Abidənin açılışından sonra mərasim geniş bədii hissə ilə davam etdiriləcək.

Sabir Şahtaxtı
AZƏRTAC-ın xüsusi müxbiri
Bolu