Bakı, 19 mart, AZƏRTAC

Sovet kinosunun klassiklərindən biri, “İki Fyodor”, “Zareçnaya küçəsində bahar” kimi filmlərə quruluş vermiş görkəmli rejissor Marlen Xutsiyev 94 yaşında vəfat edib.
AZƏRTAC TASS agentliyinə istinadla xəbər verir ki, görkəmli kino xadimi 1925-ci il oktyabrın 4-də Tiflis (indiki Tbilisi) şəhərində anadan olub. SSRİ Xalq artisti, Rusiya Federasiyası Dövlət mükafatı laureatı və digər titulların sahibi olan Marlen Xutsiyev ictimai fəaliyyəti ilə də diqqət mərkəzində olub.
Rejissorun son filmi - “Axşam olmayan” ekran əsərinin bu il təqdim olunacağı gözlənilirdi.