Bakı, 18 mart, AZƏRTAC
Cari ilin yanvar-fevral aylarında Azərbaycandan 5 milyon 781 min 785 ton xam neft və bitumlu minerallardan alınan neft məhsulları ixrac edilib. İki ayda ixrac edilən neft və neft məhsullarının dəyəri isə 2 milyard 603 milyon 955 min ABŞ dolları olub.
AZƏRTAC xəbərə verir ki, bu barədə Dövlət Gömrük Komitəsi (DGK) məlumat yayıb.
Xatırladaq ki, 2018-ci ilin ilk 2 ayında ölkədən 3 milyon 648 min 802 ton xam neft ixrac olunub, ixrac edilən neftin dəyəri 1 milyard 827 milyon 303 min dollar təşkil edib.