Niderlandlı rəssam eyni zamanda hər iki əli ilə müxtəlif portretlər çəkir
Bakı, 18 mart, AZƏRTAC
Gənc niderlandlı rəssam Racatsenna Van Dam 16 yaşında dünya şöhrəti qazanıb. O, şəkil çəkməyi müstəqil öyrənib. İndi onun əsərlərinin hər biri min avroya satılır və rəssamlıq məktəblərində vəsait kimi istifadə olunur.
Racatsenna solaxaydır. Əvvəllər yalnız bir əli ilə şəkil çəkib, lakin sonra hər iki əlini işlətməyə başlayıb. Özü də eyni vaxtda iki müxtəlif tablo çəkməyi öyrənib.
AZƏRTAC “Novosti kultura”ya istinadla xəbər verir ki, gənc rəssam rəngli karandaşlarla və gel qələmlərlə tanınmış şəxsiyyətlərin, cizgi filmi qəhrəmanlarının və komiks personajlarının real portretlərini yaradır. Rəssamın iş prosesini göstərən video internetə yüklənəndən sonra o, bütün dünyada məşhurlaşıb.
Racatsenna Van Dam deyib: “Mən bir neçə il fasilə götürüb şəkil çəkmədim. Yaradıcılığa qayıdanda daha sürətlə şəkil çəkmək üsulları barədə düşünməyə başladım. Eyni vaxtda hər iki əllə şəkil çəkmək məhz mənim ideyamdır. Sonra mən internetdə araşdırdım və başa düşdüm ki, əvvəllər heç kim rəngli karandaşlarla belə şəkil çəkməyib”.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir