Tibb işçilərinin sertifikasiyası və rezidentlərin attestasiyası ilə əlaqədar müzakirələr aparılıb
Bakı, 18 mart, AZƏRTAC
Bu ilin fevralında Səhiyyə Nazirliyinin İctimai Səhiyyə və İslahatlar Mərkəzində tibb işçilərinin sertifikasiyası və rezidentlərin attestasiyası ilə əlaqədar beşgünlük təlimlər keçirilib. Həmin təlimlərdə ABŞ-dan dəvət olunmuş mütəxəssislər - Viskonsin Tibb Kollecinin plastik cərrahiyyə kafedrasının fəxri professoru David Larson və Oreqon Sağlamlıq və Elm Universitetinin fəxri professoru James D. Smith ABŞ-da rezidentura təhsili sistemi, komitə sertifikasiyası, tibbi lisenziya və ixtisas təhsilinin tanınması, o cümlədən müxtəlif ölkələrdəki rezidentura təhsili sistemləri haqqında məlumatlar veriblər.
Həmin prosesi təkmilləşdirmək məqsədilə Səhiyyə Nazirliyinin, İctimai Səhiyyə və İslahatlar Mərkəzinin və təhsil müəssisələrinin nümayəndələri arasında müzakirələr aparılıb. Beş gün davam edən təlimlərdə Əziz Əliyev adına Azərbaycan Dövlət Həkimləri Təkmilləşdirmə İnstitutunun nümayəndələri də iştirak ediblər.
İnstitutdan AZƏRTAC-a verilən məlumata görə, təlimlərdə əldə olunan məlumatları təhsil müəssisəsinin professor-müəllim heyətinə çatdırmaq üçün həmin məsələ ilə əlaqədar iclas keçirilib.
İclasda terapiya fakültəsinin dekanı, dosent Zemfira Quliyeva ətraflı çıxış edərək iştirakçılara sertifikasiya imtahanı proseslərinin müxtəlif növləri və onların müsbət və mənfi cəhətləri, çoxseçimli sualların yazılması qaydaları, onların düzgünlüyünün və etibarlılığının qiymətləndirilməsi, fundamental elm sahələri üzrə sualların yazılması təcrübəsi haqqında məlumat verib və ətraflı müzakirələr aparılıb.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar