Lənkəran, 17 mart, Bağır Əliyev, AZƏRTAC
Bölgələrə səyahət biz şagirdlərə Azərbaycanımızı daha yaxından tanımaq üçün imkan yaradır.
Bu sözləri Qusar şəhər 6 nömrəli tam orta məktəbin X sinif şagirdi Mədinə Yüzbəyova AZƏRTAC-ın bölgə müxbirinə müsahibəsində bildirib.
M.Yüzbəyova deyib: “Cənub bölgəsi ilə tanışlığımız Lənkərandan başladı. İki gün müddətində Lənkəranın gözəl təbiəti, sosial-iqtisadi inkişafı, tarix və mədəniyyət abidələri ilə tanış olduq. Təəssüratımız olduqca zəngindir.
Tur-aksiya təkcə regionlarla tanışlıq məqsədi daşımır, səfər zamanı şagirdlər və müəllimlər təcrübə mübadiləsi etmək imkanı da əldə edirlər. Bu səfər məndə heç vaxt unutmayacağım təəssüratlar yaratdı”.