“Səbail” klubu Maykl Essien ilə 1,5 illik müqavilə imzalayıb
Bakı, 16 mart, Nicat Məmmədov, AZƏRTAC
“Səbail” klubu tanınmış futbolçu Maykl Essieni heyətinə cəlb edib.
AZƏRTAC klubun mətbuat xidmətinə istinadla xəbər verir ki, paytaxt təmsilçisi təcrübəli yarımmüdafiəçi ilə 1,5 illik müqavilə imzalayıb. M.Essyen, həmçinin klubun U-19 komandasının məşqçilər korpusunda da fəaliyyət göstərəcək.
Qana millisinin heyətində 58 oyunda 9 qol vurmuş yarımmüdafiəçi azad agent kimi “Səbail”ə transfer olunub. Peşəkar karyerasına Fransanın “Bastiya” klubunda başlayan M.Essien “Çelsi”nin heyətində 168 oyunda 19 qol vurub. O, İspaniyanın “Real Madrid" və İtaliyanın “Milan” komandalarının da şərəfini qoruyub.
Azərbaycan boksçuları Bakıdakı beynəlxalq turniri 21 medalla başa vurublar
AMADA-nın əməkdaşı WADA-nın vebinarında iştirak edib
Premyer Liqa: Dörd oyuna hakim təyinatları açıqlanıb
Azərbaycan ağırlıqqaldıranları üçün antidopinqlə bağlı seminar keçirilib