Ankarada Özbəkistanın görkəmli yazıçısı Abdulla Qədirinin yubileyi qeyd olunub
Ankara, 15 mart, AZƏRTAC
Ankarada Beynəlxalq Türk Mədəniyyəti Təşkilatının (TÜRKSOY) mərkəzi qərargahında Özbəkistanın görkəmli yazıçısı Abdulla Qədirinin anadan olmasının 125-ci ildönümü münasibətilə konfrans keçirilib.
AZƏRTAC xəbər verir ki, əvvəlcə TÜRKSOY-un fəaliyyətindən bəhs edən sənədli film nümayiş olunub.
TÜRKSOY-un həyata keçirdiyi “Türk dünyasının görkəmli şəxslərinin tanıdılması” layihəsi çərçivəsində reallaşan tədbirdə elm və mədəniyyət xadimləri, Özbəkistanın Ankaradakı tanınmış nümayəndələri, ədəbiyyatsevərlər, türk dünyası ədəbiyyatının tanınmış simaları iştirak ediblər.
TÜRKSOY-un baş katibinin mavini Fırat Purtaş, Türkiyə Prezidentinin baş müşaviri Yalçın Topçu, Özbəkistanın Ankaradakı səfiri Alisher Agzamkhadjayev və başqaları həyata keçirilən layihənin əhəmiyyəti barədə fikir və mülahizələrini bölüşüb, yazıçının yaradıcılığını yüksək dəyərləndiriblər. Diqqətə çatdırılıb ki, böyük yazıçı “Ötən günlər” və “Çapıcı Abid” romanları, eləcə də “Cinlər məclisi”, “Qadın düşkünü” və s. məşhur əsərləri ilə özbək ədəbiyyatına yeni nəfəs gətirib.
Konfrans panel və bədi hissə ilə davam edib.
Sabir Şahtaxtı
AZƏRTAC-ın xüsusi müxbiri
Ankara
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir