Ceyms Bond yeni filmdə “Aston Martin”in elektrokarını sürəcək
Bakı, 13 mart, AZƏRTAC
Ceyms Bond haqqında 25-ci filmdə superagent “Aston Martin” şirkətinin qiyməti 250 min avro (328 min dollar) olan yeni nəsil elektrokarının sükanı arxasına keçəcək.
AZƏRTAC xəbər verir ki, “Daily Mail” qəzetinin yazdığına görə, filmin rejissoru Keri Fukunaqa ətraf mühitin daimi müdafiəçisidir və bu qərar da onun istəyi ilə qəbul edilib. Hazırda Fukunaqa elektromobillərindən birini çəkilişlərə hazırlamaq üçün “Aston Martin”lə birgə çalışır. Filmin yaradıcılarının fikrincə, Bondu atmosferə zərərli maddələr buraxmayan avtomobildə oturtmağın vaxtı artıq çatıb.
Hazırda dünyada bu şirkətin ilk elektromobili olan “Rapide E” markalı 155 elektrokar var. “Aston Martin”in mühərriki benzinlə işləyən avtomobilindən ilk dəfə yarım əsrdən çox əvvəl Agent 007 rolunun ən populyar ifaçılarından biri – Şon Konneri “Qoldfinger” (1964) filmində istifadə edib.
Hələlik şərti olaraq “Bond 25” adlandırılan filmin çəkilişləri 2019-cu ilin aprelində başlayacaq. İndiyə qədər britaniyalı superagent barəsində 24 film çəkilib. Bu filmlərin ümumi kassa yığımı 10 milyard dollardır.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir