Baltik ölkələrinin aparıcı xəbər portalları Azərbaycanda keçirilən hərbi təlimlərdən yazıb
Tallinn, 12 mart, AZƏRTAC
Baltikyanı ölkələrin aparıcı xəbər agentlikləri və portalları Azərbaycan Silahlı Qüvvələrinin genişmiqyaslı hərbi təlimlərindən yazıb.
AZƏRTAC xəbər verir ki, əsasən “Reuters” agentliyinə istinadla yayılan xəbərlərdə təlimlərin Ermənistan-Azərbaycan Dağlıq Qarabağ münaqişəsinin həlli ilə bağlı hər iki ölkə liderlərinin görüşü ərəfəsində keçirilməsinin Ermənistan rəhbərliyini narahat etdiyi bildirilib.
Dağlıq Qarabağın Azərbaycan ərazisi olduğu, onun “müstəqilliyi”nin heç bir ölkə tərəfindən tanınmadığının qeyd olunduğu xəbərlərdə münaqişənin tarixi barədə oxuculara məlumat verilib. Həmçinin təlimlərin keçirilməsi barədə Azərbaycan Müdafiə Nazirliyinin rəsmi bəyanatı da əksini tapıb. Qeyd edilib ki, düşmənin hücumlarının qarşısını almağa yönəlmiş təlimlərə 10 min nəfərlik şəxsi heyət, 500 tank və zirehli texnika, habelə 20 hərbi təyyarə cəlb olunub.
Aygün Əliyeva
AZƏRTAC-ın xüsusi müxbiri
Tallinn
Müdafiə Nazirliyi: Gənc əsgərlərin hazırlığına xüsusi diqqət yetirilir VİDEO
Azərbaycan-Ermənistan şərti sərhədindəki mövcud əməliyyat şəraiti təhlil edilib VİDEO
Hərbi liseyin 53 illik yubileyinə həsr olunmuş təntənəli mərasim keçirilib VİDEO
"Xəzər səması-2024" birgə taktiki təlimi keçirilib VİDEO
Hərbi pilotlar təlim-məşq uçuşlarını yüksək peşəkarlıqla icra ediblər VİDEO