Vilnüs, 10 mart, AZƏRTAC 

Litvanın eurodiena.lt portalında bu il Azərbaycanı “Eurovision” mahnı müsabiqəsində təmsil edəcək Çingiz Mustafayev haqqında məqalə yerləşdirilib.
AZƏRTAC xəbər verir ki, məqalədə Azərbaycanda bu müsabiqəyə qatılmaq üçün müraciət etmiş 40 namizəd arasından Çingiz Mustafayevin seçildiyi bildirilir. Yazıda azərbaycanlı ifaçının yaradıcılığı və uğurları haqqında geniş məlumat verilir, Azərbaycanın ötən il istisna olmaqla, hər zaman “Eurovision” müsabiqəsində finala yüksəldiyi xatırlanır.
Məqalənin tam mətnini linkdən oxumaq mümkündür: 

https://eurodiena.lt/63132/eurovizija/azerbaidzanui-atstovaus-chingiz-su-kuriniu-truth/

Aygün Əliyeva
AZƏRTAC-ın xüsusi müxbiri
Vilnüs