Maneken-pilotla sınaq uçuşu həyata keçirən “Dragon” kapsulu Yerə qayıdıb
Bakı, 9 mart, AZƏRTAC
İlon Maskın “SpaceX” şirkətinin Beynəlxalq Kosmik Stansiyaya göndərdiyi maneken-pilotla sınaq uçuşu həyata keçirən “Dragon” kapsulu martın 8-də Yerə qayıdıb.
AZƏRTAC NASA-nın saytına istinadla xəbər verir ki, martın 2-də “Dragon” pilot kapsulu “Falcon 9” raketi ilə Floridadakı Kennedi Kosmik Mərkəzindən fəzaya buraxılmışdı. O, martın 3-də Beynəlxalq Kosmik Stansiyaya birləşmiş və müvafiq sınaq tədqiqatları aparmışdı. Kosmik aparat cümə günü Bakı vaxtı ilə saat 17:45-də xüsusi paraşütlərin köməyi ilə Florida ştatındakı “Cape Canaveral” kosmodromuna 450 kilometr məsafədə Atlantik okeanına enib. NASA-nın məlumatında bildirilir ki, “Dragon”un pilotlu uçuşu iyul ayına planlaşdırılır.
“Dragon” kapsulu “GO Searcher” gəmisi ilə sudan çıxarılaraq kosmodroma aparılıb.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib