Türkiyənin “Aydınlıq” qəzeti: Xocalı soyqırımı insanlıq əleyhinə dəhşətli cinayətdir
Ankara, 8 mart, AZƏRTAC
Türkiyənin nüfuzlu “Aydınlıq” qəzetində Xocalı soyqırımı ilə bağlı analitik yazı dərc olunub.
AZƏRTAC xəbər verir ki, professor Ata Atun tərəfindən qələmə alınan məqalədə Ermənistan-Azərbaycan Dağlıq Qarabağ münaqişəsinin səbəbləri, təcavüzkar Ermənistanın Azərbaycana qarşı işğalçılıq siyasəti və keçmiş SSRİ rəhbərliyinin ermənilərin əsasız iddialarını dəstəkləməsi məsələlərinə aydınlıq gətirilir. Müəllif yazır ki, keçmiş sovet rəhbərliyi erməni silahlı dəstələrinin hücumlarından qorunmaq üçün azərbaycanlı əhalini ən adi müdafiə imkanlarından belə məhrum edib. Nəticədə Azərbaycan ərazisinin 20 faizi Ermənistan silahlı qüvvələri tərəfindən işğal olunub.
Xocalı soyqırımını insanlıq əleyhinə dəhşətli cinayət adlandıran müəllif hesab edir ki, bu qanlı hadisənin günahsız qurbanlarının xatirəsinə abidələrin ucaldılması, soyqırımı barədə həqiqətlərin dünya ictimaiyyətinin diqqətinə çatdırılması mühüm əhəmiyyət daşıyır.
Sabir Şahtaxtı
AZƏRTAC-ın xüsusi müxbiri
Ankara
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO